அருள்வான் திரை விமர்சனம் !

மலைக் கிராமத்தில் வாழும் பழங்குடியினச் சிறுமியின் கல்விப் போராட்டத்தை உணர்வுபூர்வமாகச் சொல்லும் திரைப்படம் 'அருள்வான்'. கல்வி, அடிப்படை வசதிகள் மற்றும் சமூக அக்கறை ஆகியவற்றை மையமாக வைத்து, யதார்த்தமாக நகரும் திரைக்கதை பார்வையாளர்களை சிந்திக்க வைக்கிறது.

மாவட்ட ஆட்சியராக அருள்நிதி மிகவும் இயல்பாகவும் முதிர்ச்சியாகவும் நடித்துள்ளார். ஆரவ், ரம்யா பாண்டியன் உள்ளிட்டோர் தங்களது கதாபாத்திரங்களுக்கு நியாயம் செய்துள்ளனர். குறிப்பாக, சிறுமி கிருத்திகாவின் எதார்த்தமான நடிப்பு படத்தின் மிகப்பெரிய பலமாக அமைகிறது.

எம். சுகுமாரின் ஒளிப்பதிவு மலைப் பகுதிகளின் அழகை சிறப்பாகப் பதிவு செய்துள்ளது. ஜி.வி. பிரகாஷ் குமாரின் இசை மற்றும் பின்னணி இசை காட்சிகளின் உணர்வுகளை மேலும் வலுப்படுத்துகின்றன.

வணிக அம்சங்களை விட யதார்த்தத்திற்கே முக்கியத்துவம் கொடுத்திருப்பதால் சில இடங்களில் திரைக்கதை மெதுவாக நகர்ந்தாலும், இயக்குநர் கணேஷ் விநாயகம் பழங்குடியின மக்களின் கல்விப் போராட்டத்தை நேர்மையாகவும் தாக்கமிக்க வகையிலும் பதிவு செய்துள்ளார்.

மொத்தத்தில், 'அருள்வான்' கல்வியின் முக்கியத்துவத்தையும் சமூகப் பொறுப்பையும் வலியுறுத்தும் மனதைத் தொடும் நல்ல திரைப்படம்.

Rating : 3 / 5