உருட்டு உருட்டு திரை விமர்சனம் ! Review

தமிழ் சினிமா உலகில் அறிமுகமாய் இருக்கும் கஜேஷ் நாகேஷ் நடிப்பில் உருட்டு உருட்டு. மற்றும் நடிகை ரித்விகா ஸ்ரேயா ,மொட்டை  ராஜேந்தர், அஸ்மிதா, ஹேமா, சுகி ,பத்ம ராஜு ஜெய்சங்கர், சேரன் ராஜ், மிப்பு நடேசன், பாவா லட்சுமணன் மற்றும் பலர் நடித்துள்ளனர்.

இத்திரைப்படத்தை இயக்கியுள்ளார் இயக்குனர் பாஸ்கர் சதாசிவம்.

கதை ஆரம்பமே : 

எப்போதும் குடித்தே சுற்றிக் கொண்டிருக்கும் நாயகன் கஜேஷ் நாகேஷை காதலிக்கும் நாயகி ரித்விகா ஸ்ரேயா, அவரை திருத்த முயற்சிக்கிறார். பல்வேறு முயற்சிகளுக்குப் பின்பும் நாயகன் மதுவிலிருந்து விலகவில்லை. இறுதியில் நாயகி எடுக்கும் அதிர்ச்சி முடிவு தான் படத்தின் கிளைமாக்ஸ்.

நடிப்பு:

கஜேஷ் நாகேஷ், மதுவுக்கு அடிமையான கதாபாத்திரத்தை இயல்பாக நடித்திருக்கிறார்.

ரித்விகா ஸ்ரேயா, கமர்ஷியல் ஹீரோயின் என்கிற எதிர்பார்ப்பைத் தாண்டி, கிளைமாக்ஸில் வலிமையான நடிப்பை வெளிப்படுத்தியுள்ளார்.

மொட்டை ராஜேந்திரனின் காமெடி மற்றும் மூன்று மனைவிகளின் (அஸ்மிதா, ஹேமா, சுகி) காட்சிகள் சிரிப்பை ஏற்படுத்துகின்றன.

பத்ம ராஜு ஜெய்சங்கர், சேரன் ராஜ், மிப்பு நடேசன், பாவா லட்சுமணன் ஆகியோர் தங்கள் வேடங்களில் சுமாராக செயல்பட்டுள்ளனர்.

தொழில்நுட்பம்:

இசையமைப்பாளர் அருணகிரி, மெலொடி மற்றும் கானா பாடல்களால் படம் ரசிக்கும்படியாக அமைத்திருக்கிறார்.

பின்னணி இசை (கார்த்திக் கிருஷ்ணா) பரவாயில்லை.

ஒளிப்பதிவாளர் யுவராஜ் பால்ராஜ், குறைந்த லொக்கேஷன்களில் சலிப்பில்லாமல் காட்சிகளை எடுத்து இருக்கிறார்.

இயக்கம்:

பாஸ்கர் சதாசிவம், குடிபழக்கத்தை நகைச்சுவை கலந்த சமூகக்கருத்துடன் எடுத்துரைத்திருக்கிறார். கிளைமாக்ஸ் அதிர்ச்சி தருவதாக இருந்தாலும், திரைக்கதை மேலும் கவனமாக அமைக்கப்பட்டிருந்தால் படம் இன்னும் பலத்த தாக்கத்தை ஏற்படுத்தியிருக்கும்.

மொத்தத்தில்:

‘உருட்டு உருட்டு’ ஒரு கமர்ஷியல் காதல்-காமெடி படம் மட்டுமல்லாமல், சமூகத்திற்கு நல்ல கருத்தையும் சொல்லும் முயற்சி. சிரிப்போடும், காதலோடும், ஒரு முக்கியமான பிரச்சனையை எடுத்துரைக்கும் வகையில் இரு மணி நேரம் சலிப்பில்லாமல் ரசிக்க வைக்கிறது.

 சுருக்கமாக: காமெடிக்குள் சமூகச் செய்தி சொன்ன, வித்தியாசமான முயற்சி.

Rating : 3 / 5