ஆண் பாவம் பொல்லாதது திரை விமர்சனம் ! Review

‘ஆண் பாவம் பொல்லாதது’ – நகைச்சுவையுடன் நவீன தம்பதிகளின் வாழ்க்கைப் பாடம் ! 

திருமண வாழ்க்கையில் ஈகோ பிரச்சனைகள் எவ்வாறு உறவை சிதைக்கின்றன என்பதை நகைச்சுவையுடனும் உணர்வுடனும் சொல்லும் படம் இது.  

ரியோ ராஜ் – மாளவிகா ஜோடி திரையில் ரசிக்க வைக்கும் வகையில் துள்ளலாக நடித்துள்ளனர். இருவருக்கும் இடையிலான ரசாயனம், சிறு சண்டைகள், சமரசங்கள் அனைத்தும் இன்றைய தம்பதிகளின் உண்மை வாழ்க்கையை பிரதிபலிக்கிறது.  

விக்னேஷ்காந்த், ஷீலா ஆகியோர் வழக்கறிஞர்களாக செம்மையாக நடித்துள்ளார்கள். விக்னேஷின் உதவியாளராக ஜென்சன் திவாகர், தனது நகைச்சுவையால் திரையரங்கையே சிரிப்பால் அதிர வைக்கிறார்.  

சித்து குமாரின் இசையும், மாதேஷ் மாணிக்கத்தின் ஒளிப்பதிவும் படத்துக்கு பெரும் பலம். இயக்குநர் கலையரசன் தங்கவேல், தம்பதிகளின் ஈகோ பிரச்சனையை நகைச்சுவையுடன் சொல்லி, இறுதியில் சிந்திக்க வைக்கும் வகையில் கையாண்டிருக்கிறார்.  

மொத்தத்தில், நவீன தம்பதிகளின் உறவை பிரதிபலிக்கும், நகைச்சுவை கலந்த குடும்பப் படம் – சிரிப்பும் சிந்தனையும் சேர்ந்து மகிழ்ச்சியூட்டும் அனுபவம். 

Rating : 3 / 5