Second Case of Seetharam Review ! திரை விமர்சனம்

‘சீதாராம் பென்ஸி கேஸ் நம்பர் 18’ மற்றும் ‘கேஸ் ஆஃப் கொண்டனா’ படங்களின் தொடர்ச்சியாக உருவாகியுள்ள இந்த பாகம், முந்தைய கதைகளை பார்த்தவர்களுக்கு மட்டுமல்லாமல், புதிய பார்வையாளர்களையும் ஈர்க்கும் வகையில் தன்னிச்சையான திரைக்கதையுடன் நகர்கிறது.

குறிப்பிட்ட வயதினரை குறிவைத்து நடக்கும் கொடூரமான தொடர் கொலைகள்… உடற்கூராய்வு அறிக்கையில் வெளிவரும் அதிர்ச்சி தகவல்கள்… மனநிலை பாதித்த ஒருவரின் சாயல்… இவ்வளவு மட்டுமே தடயமாக இருக்கும் சூழலில், காவல்துறை அதிகாரி விஜய ராகவேந்திராவின் புலனாய்வு ஆரம்பிக்கிறது. தடயமில்லா வேட்டையாக தொடங்கும் இந்த விசாரணை, பரபரப்பை குறைக்காமல் கடைசி வரை இழுத்துச் செல்கிறது.

காவல்துறை அதிகாரியாக நடித்துள்ள Vijay Raghavendra, தனது உடல் மொழி மற்றும் கண் பார்வையால் கதாபாத்திரத்திற்கு நம்பகத்தன்மை அளிக்கிறார். அவர் விசாரணை நடத்தும் காட்சிகள் பார்வையாளர்களையும் கதையின் உள்ளே இழுத்துச் செல்கின்றன.

முக்கிய கதாபாத்திரத்தில் Gopal Krishna Deshpande, அச்சமும் ஆழமும் கலந்த நடிப்பால் திரையில் தனி முத்திரை பதிக்கிறார். நாயகனின் தங்கையாக நடித்துள்ள Usha Bhandary, மிகையில்லாத இயல்பான நடிப்பால் மனதில் நிற்கிறார்.

ஒளிப்பதிவாளர் Hemant, இருண்ட வண்ணத் தொனிகளும், தீவிரமான ஃப்ரேமிங்களும் மூலம் கதையின் பதட்டத்தை உயர்த்துகிறார். இசையமைப்பாளர் Navneeth Shyam வழங்கிய பின்னணி இசை, அமைதியான காட்சிகளுக்குக் கூட உள் நடுக்கத்தை சேர்க்கிறது.

படத்தொகுப்பாளர் Shashank Narayana சில இடங்களில் மெதுவாக நகர்த்தினாலும், மொத்தத்தில் கதை ஓட்டத்தை உறுதியாக பிடித்திருக்கிறார். இயக்குநர் Devi Prasad Shetty, முந்தைய பாகங்களுடன் தொடர்பை பேணியபடி புதிய திருப்பங்களை இணைத்து, மேக்கிங்கில் வலிமை காட்டியுள்ளார்.

கொலைகளின் காரணம் இன்னும் ஆழமாக சொல்லப்பட்டிருக்கலாம் என்ற சிறிய குறை இருந்தாலும், சுவாரஸ்யமான திரைக்கதை, வலுவான நடிப்பு, தொழில்நுட்ப பலம் ஆகியவை அந்த குறையை மறைக்கிறது.

மொத்தத்தில், “Case of Seetharam” – கிரைம் திரில்லர் ரசிகர்கள் தவறாமல் பார்க்க வேண்டிய ஒரு பதட்டமான தொடர்ச்சி !

Rating : 3 / 5