இரட்டையர் திரை விமர்சனம் !

சைக்கலாஜிக்கல் த்ரில்லர் படங்கள் என்றாலே கொலை, குற்றம் அல்லது பேய் அம்சங்களே நினைவுக்கு வரும். ஆனால் இரட்டையர்கள், ஒரு தாய் மற்றும் அவரது இரட்டைக் குழந்தைகளுக்கிடையேயான உணர்வுப் போராட்டத்தை மையமாக வைத்து வித்தியாசமான மர்மக் கதையைச் சொல்கிறது.

விபத்துக்குப் பிறகு முகமாற்று அறுவை சிகிச்சை செய்து வீடு திரும்பும் அபிநயாவை, அவரது சொந்த குழந்தைகளே தாயாக ஏற்றுக்கொள்ள மறுப்பதிலிருந்து கதை தொடங்குகிறது. இந்த ஒரு கேள்வியே படம் முழுவதையும் தாங்கிச் செல்கிறது. “இவர் உண்மையில் அவர்களது அம்மாதானா?” என்ற சந்தேகம் கதாபாத்திரங்களுக்கும், பார்வையாளர்களுக்கும் ஒரே நேரத்தில் உருவாகிறது.

அபிநயா தனது கதாபாத்திரத்தின் வலியையும், ஏக்கத்தையும், போராட்டத்தையும் மிக இயல்பாக வெளிப்படுத்தியுள்ளார். குழந்தைகளின் அன்பைப் பெற போராடும் தாயின் உணர்வுகளை நம்ப வைக்கிறார்.

அனுமிதா மற்றும் அனுஷிதா இருவரும் படத்தின் முக்கிய பலம். அவர்களின் பயம், சந்தேகம் மற்றும் குழப்பம் கதையின் பதற்றத்தை தொடர்ந்து உயர்த்துகிறது.

சுப்ரமணிய சிவா நடித்துள்ள கதாபாத்திரம் கதையின் மர்மத்தை மேலும் சுவாரஸ்யமாக்குகிறது. அவர் மீது உருவாகும் சந்தேகம் திரைக்கதைக்கு கூடுதல் விறுவிறுப்பை வழங்குகிறது.

இயக்குநர் ஜெகதீஷ் தம்பையா, த்ரில்லர் அம்சங்களுடன் குடும்ப உறவுகளின் உளவியலையும் அழுத்தமாக பதிவு செய்துள்ளார். ஜிகேவியின் பின்னணி இசையும், முகமது அமீன்யின் ஒளிப்பதிவும் படத்தின் மர்ம உணர்வை வலுப்படுத்துகின்றன.

மொத்தத்தில் : 

இரட்டையர்கள் வழக்கமான த்ரில்லராக இல்லாமல், நம்பிக்கை, அடையாளம் மற்றும் உறவுகளின் சிக்கல்களை பேசும் உளவியல் த்ரில்லராக உருவாகியுள்ளது. மெதுவாக நகரும் திரைக்கதை சில இடங்களில் சோதித்தாலும், உணர்வுபூர்வமான காட்சிகளும் இறுதிக் கட்ட திருப்பங்களும் படத்தை கவனிக்க வைக்கின்றன. வித்தியாசமான கதைக்களம் கொண்ட ஒரு சுவாரஸ்யமான முயற்சி.

Rating : 3 / 5