மம்மட்டியான் ஸ்டார்ஸ் திரை விமர்சனம் !

கிரிக்கெட் மீது உயிரையே வைத்திருக்கும் மூன்று நண்பர்கள், தங்களின் அபிமான வீரரின் கடைசி போட்டியை நேரில் பார்க்கும் ஆசையில் எடுக்கும் முடிவுகளும், அதனால் அவர்கள் சந்திக்கும் சிக்கல்களும் தான் மம்மட்டியான் பாய்ஸ் தொடரின் கதை.

நட்பு, நகைச்சுவை, காதல், கிரிக்கெட், சஸ்பென்ஸ் என அனைத்தையும் சமநிலையுடன் கலந்து சுவாரஸ்யமான திரைக்கதையை இயக்குநர் சவிர் சுதாகர் உருவாக்கியுள்ளார். முதல் பாதி கலகலப்பாக நகர, இரண்டாம் பாதி கிரிக்கெட் சூதாட்டத்தின் பின்னணியுடன் விறுவிறுப்பை அதிகரிக்கிறது.

வைபவ் முருகேசன், வெங்கட பாலமுரளி, ஜகபர் சாதிக் ஆகியோரின் இயல்பான நடிப்பு தொடரின் மிகப்பெரிய பலம். லாவண்யா அன்பழகனும் தனது கதாபாத்திரத்திற்கு சிறப்பாக உயிர் கொடுத்துள்ளார். ஒளிப்பதிவு, பின்னணி இசை, எடிட்டிங் ஆகிய தொழில்நுட்ப அம்சங்களும் கதைக்கு நல்ல பலம் சேர்க்கின்றன.

சில இடங்களில் திரைக்கதை சற்று மெதுவாக நகர்ந்தாலும், ஒவ்வொரு அத்தியாயத்தின் முடிவிலும் அடுத்து என்ன நடக்கும் என்ற எதிர்பார்ப்பை உருவாக்குகிறது. ரசிகர் வெறி எவ்வளவு தூரம் செல்லக் கூடாது என்பதையும், அதனால் ஏற்படும் விளைவுகளையும் பொழுதுபோக்கு பாணியில் சிந்திக்க வைக்கிறது.

மொத்தத்தில், மம்மட்டியான் பாய்ஸ் நட்பு, கிரிக்கெட் மற்றும் உணர்வுகளை அழகாக இணைத்துள்ள சுவாரஸ்யமான வெப் தொடர். 

Rating : 3 / 5