லவ் ஓ லவ் திரை விமர்சனம் !

எளிமையாக வாழும் இளைஞர் பவிஷ், காதலியின் ஆடம்பர வாழ்க்கை முறையால் கடன், வேலை இழப்பு, குடும்ப பிரிவு போன்ற பிரச்சினைகளை சந்திக்கிறார். அதன்பின், தனது காதலியிடம் ஒரு வித்தியாசமான நிபந்தனையை விதிப்பதன் மூலம் கதை நகர்கிறது.

பவிஷ் தனது இயல்பான நடிப்பு, நடனம், உணர்ச்சிகரமான காட்சிகளில் சிறப்பாக கவனம் ஈர்க்கிறார். நாக துர்கா தனது கதாபாத்திரத்தை நேர்த்தியாக செய்திருந்தாலும், பெரிய தாக்கத்தை ஏற்படுத்தவில்லை. கே.எஸ். ரவிக்குமார், செல்வராகவன், வனிதா விஜயகுமார் ஆகியோரின் அனுபவமிக்க நடிப்பு படத்திற்கு பலம் சேர்க்கிறது.

பி.ஜி. முத்தையாவின் ஒளிப்பதிவு படத்திற்கு அழகை சேர்க்கிறது. பாக்ஸனின் பாடல்கள் பெரிதாக மனதில் நிற்கவில்லை; பின்னணி இசை மட்டும் கதைக்கு ஏற்றபடி அமைந்துள்ளது.

இயக்குநர் மகேஷ் ராஜேந்திரன், காதல் மற்றும் குடும்ப உறவுகளின் முக்கியத்துவத்தை நகைச்சுவை மற்றும் உணர்ச்சியுடன் சொல்லியிருக்கிறார். காதலின் தொடக்கத்தை விட, அதன் சிக்கல்களை மையமாகக் கொண்டு திரைக்கதையை அமைத்திருப்பது வித்தியாசமாக உள்ளது. சில இடங்களில் காதல் உணர்வுகள் ஆழமாக பதியாததும், பாடல்கள் பலவீனமாக இருப்பதும் குறையாக இருந்தாலும், குடும்பத்துடன் ரசிக்கக்கூடிய சுத்தமான காதல் படமாக 'லவ் ஓ லவ்' அமைகிறது.

Rating : 3 / 5