இந்தியன் ஸ்கூல் ஆஃப் பிசினஸ் தனது 25ஆம் ஆண்டு நிறைவைக் கொண்டாடுகிறது !

இந்தியன் ஸ்கூல் ஆஃப் பிசினஸ் தனது 25ஆம் ஆண்டு நிறைவைக் கொண்டாடுகிறது, ஆண்டுதோறும் 250 கல்வி உதவித்தொகைகளை வழங்கவும், தேசிய அளவிலான ஆராய்ச்சித் தளத்தை நிறுவவும் உறுதியளித்துள்ளது.

ஐஎஸ்பி25 அறிஞர் திட்டம், பிஜிபி மற்றும் பிஜிபி ஒய்எல் பாடத்திட்டங்களுக்கு, ஆண்டுதோறும் 250 கல்வி உதவித்தொகைகளை 100% வரை கல்விக் கட்டண விலக்குடன் வழங்கும்.

இந்தியா ரிசர்ச் காமன்ஸ், நாடு தழுவிய அறிஞர்களுக்குப் பகிரப்பட்ட தரவுத்தொகுப்புகள், ஆராய்ச்சிக் கருவிகள் மற்றும் செயற்கை நுண்ணறிவு சார்ந்த ஆராய்ச்சி உள்கட்டமைப்புக்கான அணுகலை வழங்கும்.

புதிய தேசிய ஆசிரிய மேம்பாட்டு முயற்சி, ஐஎஸ்பி -யின் கற்பித்தல் முறைகளையும் தொழில்நுட்பம் சார்ந்த கற்பித்தல் வழிமுறைகளையும் இந்தியா முழுவதும் உள்ள மேலாண்மை நிறுவனங்களுக்கு விரிவுபடுத்தும்.

இந்த அறிவிப்பு, 2001-ல் நிறுவப்பட்ட ஐஎஸ்பி-யின் 25-வது வெள்ளி விழாவைக் குறிக்கிறது.

ஹைதராபாத்/மொஹாலி, அக்டோபர் 06, 2026: 'ஃபைனான்சியல் டைம்ஸ் குளோபல் எம்பிஏ தரவரிசை 2026'-இல் இந்தியாவில் முதலிடத்தையும் உலகளவில் 12-வது இடத்தையும் பிடித்துள்ள 'இந்தியன் ஸ்கூல் ஆஃப் பிசினஸ்' (ஐஎஸ்பி), தனது 25-வது ஆண்டு விழாவைக் கொண்டாடும் விதமாக 'ஐஎஸ்பி@25' எனும் நீண்டகால நிறுவன உறுதிமொழிகளை அறிவித்துள்ளது. இவை, நிர்வாகக் கல்விக்கான அணுகலை விரிவுபடுத்துவதையும், இந்தியாவின் ஆராய்ச்சி மற்றும் கற்பித்தல் திறனை வலுப்படுத்துவதையும் நோக்கமாகக் கொண்டவை. 

ஐஎஸ்பி25 ஸ்காலர்ஸ் திட்டத்தின் கீழ், ஐஎஸ்பி தனது முதன்மைப் பாடத்திட்டங்களான 'மேலாண்மையில் முதுகலைத் திட்டம்' (பிஜிபி) மற்றும் 'இளம் தலைவர்களுக்கான மேலாண்மையில் முதுகலைத் திட்டம்' (பிஜிபி ஒய்எல்) ஆகியவற்றில், இனிவரும் ஆண்டுகளில் ஆண்டுதோறும் 250 கல்வி உதவித்தொகைகளை வழங்கவுள்ளது. தகுதி மற்றும் பொருளாதாரத் தேவையின் அடிப்படையில் வழங்கப்படும் இத்திட்டத்தில், கல்விக் கட்டணத்தில் 100%, 50%, 30% மற்றும் 25% வரையிலான சலுகைகள் அளிக்கப்படும். பல்வேறு பொருளாதார, புவியியல் மற்றும் தொழில்முறைப் பின்னணிகளைக் கொண்ட, சிறந்த திறமையுள்ள விண்ணப்பதாரர்கள் உலகத்தரம் வாய்ந்த மேலாண்மைக் கல்வியைப் பெறுவதை உறுதி செய்வதன் மூலம், ஐஎஸ்பி -யில் திறமையாளர்களின் எண்ணிக்கையை விரிவுபடுத்தும் வகையில் இத்திட்டம் வடிவமைக்கப்பட்டுள்ளது.

இதனுடன் இணைந்து, ஐஎஸ்பி இந்தியா ரிசர்ச் காமன்ஸ் எனும் தேசிய தளத்தை நிறுவவுள்ளது. இத்தளம், இந்தியா முழுவதிலும் உள்ள ஆய்வாளர்களுக்குத் தொகுக்கப்பட்ட தரவுத்தொகுப்புகள், ஆய்வுக்கான கருவிகள், வழிமுறை சார்ந்த வளங்கள் மற்றும் செயற்கை நுண்ணறிவு தொழில்நுட்பம் கொண்ட ஆய்வு உள்கட்டமைப்பு வசதிகளை அணுகும் வாய்ப்பை வழங்கும். இம்முயற்சியானது ஒரு புதிய தேசிய ஆசிரியர்கள் மேம்பாட்டுத் திட்டத்துடனும் இணைக்கப்படும். இதன் மூலம், ஐஎஸ்பி தனது கற்பித்தல் அணுகுமுறை, வகுப்பறை நடைமுறைகள் மற்றும் தொழில்நுட்பம் சார்ந்த கற்பித்தல் முறைகளை நாடு முழுவதும் உள்ள மேலாண்மை நிறுவனங்களுடன் பகிர்ந்துகொள்ளும். இதன் வாயிலாக, கடந்த 25 ஆண்டுகளில் இந்நிறுவனம் வளர்த்தெடுத்த திறன்கள் மற்றும் அனுபவங்கள் பரந்த அளவிலான இந்தியக் கல்விச் சூழலுக்கும் கொண்டு செல்லப்படும்.

"ஐஎஸ்பி @25 என்பது நமது பயணத்தைக் கொண்டாடுவதற்கான ஒரு வாய்ப்பு மட்டுமல்ல, எதிர்காலத்திற்கான நமது உறுதிப்பாட்டை வரையறுப்பதற்கான ஒரு வாய்ப்பும் கூட," என்று இந்தியன் ஸ்கூல் ஆஃப் பிசினஸின் டீன் பேராசிரியர் மதன் பில்லுட்லா கூறினார். "நாடு முழுவதும் உள்ள நிறுவனங்கள் மற்றும் அறிஞர்களுக்குச் சிறப்பான செயல்பாடுகளை எளிதில் அணுகக்கூடியதாகவும், அறிவைப் பகிர்ந்துகொள்ளக்கூடியதாகவும், ஆராய்ச்சியின் பலன்களைப் பயன்படுத்தக்கூடியதாகவும் மாற்றுவதே எங்கள் வாக்குறுதியாகும்." என்றும் கூறினார்.

கற்பவர்களின் மாறிவரும் தேவைகளுக்கும் தொழில் துறையின் மாறிவரும் தேவைகளுக்கும் ஏற்ப, சமீபத்திய ஆண்டுகளில் ஐஎஸ்பி மேற்கொண்ட பல்வேறு முன்னெடுப்புகளின் தொடர்ச்சியாகவே இந்த புதிய உறுதிப்பாடுகள் அறிவிக்கப்பட்டுள்ளன. 2025-ஆம் ஆண்டில், 'இளம் தலைவர்களுக்கான மேலாண்மையில் முதுகலைத் திட்டம்' (பிஜிபி ஒய்எல்) அறிமுகப்படுத்தப்பட்டு, முதல் குழுவில் 130 மாணவர்கள் இதில் சேர்க்கப்பட்டனர்; இவர்களில் மூன்றில் ஒரு பங்கிற்கும் அதிகமானோருக்குக் கல்விக் கட்டண விலக்கு அளிக்கப்பட்டது. அதே ஆண்டில், ஐஎஸ்பி ஆனது ஐஎஸ்பி டிஸ்கவர் எனும் டிஜிட்டல் அறிவுத் தளத்தை அறிமுகப்படுத்தியது. இது, பேராசிரியர்கள் மேற்கொண்ட ஆய்வுகளைக் கொள்கை வகுப்பாளர்கள், வணிகத் தலைவர்கள் மற்றும் பொதுமக்கள் எளிதில் புரிந்துகொள்ளக்கூடிய வடிவங்களில் வழங்குகிறது. மேலும், மாறிவரும் பணிச் சூழலுக்கு ஏற்ப அதிக நெகிழ்வுத்தன்மை, தனிப்பயனாக்கப்பட்ட கற்றல் வழிமுறைகள் மற்றும் வலுவான ஒருங்கிணைப்பு ஆகியவற்றை உள்ளடக்கும் வகையில், தனது முதன்மைத் திட்டமான பிஜிபி -யின் பாடத்திட்டத்தை ஐஎஸ்பி அண்மையில் விரிவாக மறுஆய்வு செய்துள்ளது. முன்னாள் மாணவர்கள், பணியமர்த்துநர்கள் மற்றும் தொழில் துறை சார்ந்தோருடன் மேற்கொள்ளப்பட்ட விரிவான ஆலோசனைகளின் அடிப்படையில் இந்த நடவடிக்கை எடுக்கப்பட்டுள்ளது.

2001-இல் நிறுவப்பட்டதிலிருந்து, 65-க்கும் மேற்பட்ட நாடுகளில் 20,000-க்கும் மேற்பட்ட முன்னாள் மாணவர்களைக் கொண்ட ஐஎஸ்பி, உலகின் முன்னணி வணிகக் கல்வி நிறுவனங்களில் ஒன்றாக வளர்ந்துள்ளது. இந்நிறுவனத்தின் பிஜிபி தற்போது இந்தியாவில் முதலிடத்திலும், ஆசியாவில் இரண்டாம் இடத்திலும் உள்ளது. மேலும், எஃப்டி குளோபல் எம்பிஎ தரவரிசை 2026-இன் படி, இத்திட்டத்திற்கு முந்தைய மற்றும் பிந்தைய காலக்கட்டத்திலான ஊதிய உயர்வு விகிதத்தில் ஐஎஸ்பி -யின் பட்டதாரிகள் உலகளவில் முதலிடம் பிடித்துள்ளனர். ஹைதராபாத் மற்றும் மொஹாலியில் வளாகங்களைக் கொண்டுள்ளதோடு, எஎசிஎஸ்பி, எஎம்பிஎ மற்றும் இக்யூஐஎஸ் ஆகிய மூன்று அங்கீகாரங்களையும் பெற்றுள்ள ஐஎஸ்பி, சிக்கலான வணிக மற்றும் சமூக சவால்களை எதிர்கொள்ளும் திறன் கொண்ட தலைவர்களை உருவாக்குவதில் சிறப்பானதொரு சாதனையைப் படைத்துள்ளது.

ஐஎஸ்பி@25 நிகழ்வின் மூலம், இந்த நிறுவனம் தனது ஸ்தாபக நோக்கத்தை மீண்டும் உறுதிப்படுத்துகிறது — அதாவது, 25 ஆண்டுகால நிறுவனத் திறனை, இந்தியா முழுவதும் வாய்ப்புகளை விரிவுபடுத்தி, ஆராய்ச்சியை வலுப்படுத்தி, மேலாமைக் கல்வித் திறனை வளர்க்கும் நீடித்த பொதுச் சொத்துக்களாக மாற்றுவதே அந்த நோக்கமாகும்.