தேசிய தலைவர்’ திரை விமர்சனம் ! Review

‘தேசிய தலைவர்’ – முத்துராமலிங்க தேவரின் வீர வரலாற்றை மீண்டும் உயிர்ப்பிக்கும் படம்

சுதந்திரத்திற்கு முந்தைய காலத்தில் தொடங்கி, சமூக மற்றும் அரசியல் போராட்டங்களில் வீரமாக விளங்கிய முத்துராமலிங்க தேவரின் வாழ்க்கைச் சுருக்கத்தை திரை மொழியில் அழகாக சொல்லியிருக்கிறார் இயக்குநர் ஆர்.அரவிந்த்ராஜ்.

ஜெ.எம்.பஷீர், தோற்றம், உடல் மொழி, வசன உச்சரிப்பு அனைத்திலும் முத்துராமலிங்க தேவரை அசத்தியிருக்கிறார். அவர் நடிப்பில் அந்தக் காலத்தின் தைரியமும் சிந்தனையும் முழுமையாக வெளிப்பட்டிருக்கிறது. நேரு, நேதாஜி சுபாஷ் சந்திரபோஸ், காமராஜர் ஆகியோரின் கதாபாத்திரங்களும் உருவ ஒற்றுமையுடன் நம்பகமாக வந்துள்ளன.

இளையராஜாவின் இசை படம் முழுவதும் ஆன்மீக ஆற்றலை தருகிறது; குறிப்பாக இறுதிக் காட்சியில் அவர் இசை உணர்வை உச்சத்துக்கு கொண்டு செல்கிறது. ஒளிப்பதிவாளர் அகிலன், காலக்கட்டத்துக்கு ஏற்ப வண்ணங்களையும், வெளிச்சங்களையும் கையாள்ந்து நம் கண்முன்னே அந்தக் காலத்தை உருவாக்குகிறார்.

படத்தின் முதல் பாதி வரலாற்றுப் பதிவைச் சொல்லும் போக்கில் செல்லும் போது, இரண்டாம் பாதி திரையரங்க அனுபவமாக விறுவிறுப்பாக மாறுகிறது. நீதிமன்ற காட்சிகளும், தேவரின் மேடை உரைகளும் தாளம் கொடுக்க வைக்கும் வகையில் அமைந்துள்ளன.

முத்துராமலிங்க தேவர் மற்றும் காங்கிரஸ் இடையேயான அரசியல், சாதி சார்ந்த மோதல்களை பக்குவமாகச் சொல்லியிருக்கும் இயக்குநர், வரலாற்று உண்மைகளையும், சமூக விளைவுகளையும் ஒரே சமயத்தில் சமநிலைப்படுத்தியுள்ளார்.

மொத்தத்தில், ‘தேசிய தலைவர்’ படம் முத்துராமலிங்க தேவரை அறிந்தவர்களுக்கும் அறியாதவர்களுக்கும் ஒரே நேரத்தில் பெருமை, உணர்ச்சி, ஊக்கம் தரும் ஒரு வரலாற்று படைப்பு.

Rating : 4 / 5