தாய் கிழவி திரை விமர்சனம் ! Review

கணவனை இழந்த பவுனுத்தாய் (Radhika Sarathkumar) தனது உழைப்பால் சேர்த்த சொத்துகளை உயிருடன் இருக்கும் வரை தானே அனுபவிக்க வேண்டும் என்ற உறுதியுடன் வாழ்கிறார். வட்டிக்கு பணம் கொடுத்து வசூலிக்கும் கடின மனப்பான்மை காரணமாக ஊர் மக்களும், அவரது மூன்று மகன்களும், மருமகனும் கூட அவரது இறப்பை எதிர்நோக்கி காத்திருக்கிறார்கள். ஆனால் திடீரென உடல்நிலை பாதிக்கப்பட்ட அவரை காப்பாற்ற வேண்டிய சூழல் உருவாகிறது. அதற்குள் 160 பவுன் நகை வாங்கிய தகவல் வெளிவர, சொத்துக்கான ஆசை மகன்களை தாயை காப்பாற்றும் பாதையில் தள்ளுகிறது.

பெண்கள் சுயமாகவும் தன்னம்பிக்கையுடனும் வாழ வேண்டும் என்ற கருத்தை நகைச்சுவை கலந்த கிராமத்து பின்னணியில் சொல்ல முயன்றிருக்கிறார் இயக்குநர் Sivakumar Murugesan. ஆனால் கருத்தை வலுப்படுத்த வேண்டிய இடங்களில் அதீத நாடகத் தன்மை மேலோங்கி, செயற்கைத்தன்மை தெரிகிறது.

ராதிகா சரத்குமார் தைரியமும் திமிரும் கொண்ட மூதாட்டியாக தோன்ற முயன்றாலும், கிராமத்து பெண்மணியின் இயல்பான தோற்றம் மற்றும் உடல்மொழி முழுமையாக பதியவில்லை. மேக்கப், மேனரிசம் ஆகியவை சில இடங்களில் இயல்பை குறைக்கிறது.

மகன்களாக Singampuli, Aruldoss, Bala Saravanan, மகளாக Rachel Rebecca, மருமகனாக Muthukumar, உறவினராக Munishkanth, நகைக்கடை முதலாளியாக Ilavarasu ஆகியோர் தங்களது வழக்கமான நடிப்பால் கதைக்கு துணைபுரிகிறார்கள்.

இசையில் Nivas K. Prasanna குறிப்பிடத்தக்க மெருகூட்டலை அளிக்கவில்லை; பாடல்களும் பின்னணி இசையும் நினைவில் நிற்கவில்லை. ஒளிப்பதிவில் Vivek Vijayakumar தென் தமிழக கிராமத்து சூழலை அழகாகப் பதிவு செய்துள்ளார்.

காட்சிகளில் கிராமத்து வாழ்வியலை சித்தரிக்கும் முயற்சி இருந்தாலும், சில இடங்களில் மக்களை அப்பாவிகளாக அல்லது அறியாமை கொண்டவர்களாக காட்டுவது ஏமாற்றமளிக்கிறது. நகைச்சுவை காட்சிகள் இருந்தபோதிலும், பல இடங்களில் இரைச்சல் மற்றும் தேவையற்ற வசனங்கள் சிரிப்பை குறைக்கின்றன.

மொத்தத்தில், பெண்களின் சுயநிலையை பேசும் நல்ல கருத்து இருந்தாலும், அதனை சீரான திரைக்கதை மற்றும் இயல்பான நடிப்பின் மூலம் முழுமையாக வெளிப்படுத்தத் தவறிய படம் தான் தாய் கிழவி.

Rating : 2.5 / 5 

Marveltamilnews.com