தடயம் விமர்சனம் ! Review

🎬 ‘தடயம்’ – திரில் நிறைந்த விசாரணை தொடர் !

ஆந்திர–தமிழக எல்லைப் பகுதியில் நடைபெறும் கொடூர தம்பதி கொலைகள் காவல்துறையை அதிரவைக்கிறது. அதே பாணியில் தொடர்ச்சியாக நடக்கும் கொலைகள் வழக்கை மேலும் சிக்கலாக்குகின்றன. சப்-இன்ஸ்பெக்டர் சமுத்திரக்கனி சேகரிக்கும் தடயங்கள் வழக்கை வேறு திசைக்கு இட்டுச் செல்ல, இன்ஸ்பெக்டர் ஷிவதா தலைமையில் அமைக்கப்படும் தனிப்படை உண்மையை வெளிச்சத்திற்கு கொண்டு வருகிறது. இரண்டு பேரால் சுமார் 60-க்கும் மேற்பட்ட கொலைகள் செய்யப்பட்டிருப்பது தெரியவருவது கதைக்கு பெரிய அதிர்ச்சி திருப்பமாக அமைகிறது.

பணம், நகைகள் untouched-ஆக இருக்க, ஆண்களின் அருணாக்கயிறு மற்றும் பெண்களின் தாலி மட்டும் பறிக்கப்படுவது முக்கிய குறியாக மாறுகிறது. இந்த விசாரணையை பல திருப்பங்களுடன், பதற்றத்தோடு சொல்லும் விதத்தில் இயக்குநர் நவீன்குமார் பழனிவேல் அசத்தியிருக்கிறார்.

சமுத்திரக்கனி தனது விரக்தி, கூர்மையான சிந்தனை, உடல் மொழி ஆகியவற்றால் கதாபாத்திரத்தை நம்ப வைக்கிறார். ஷிவதாவும் அளவான நடிப்பால் கவர்கிறார். ‘Pushpa: The Rise’ புகழ் ராஜ் கண் பார்வை, மேனரிசம் மூலம் பயமுறுத்துகிறார்; அவருடன் பிரேமும் தன் பங்கைச் சிறப்பாக செய்துள்ளார்.

1999 காலப்பின்னணியை ஒளிப்பதிவு, கலை இயக்கம், இசை ஆகிய தொழில்நுட்ப அம்சங்கள் நம்பகமாக உயிர்ப்பிக்கின்றன. ஒவ்வொரு அத்தியாயமும் “அடுத்து என்ன?” என்ற ஆர்வத்தை தூண்டி, இறுதி வரை பரபரப்பை குறைக்காமல் வைத்திருப்பது தொடரின் பெரிய பலம்.

மொத்தத்தில், ‘தடயம்’ – உண்மை சம்பவத்தின் அதிர்ச்சியையும், திரைக்கதையின் திரில்லையும் இணைக்கும் விறுவிறுப்பான விசாரணை தொடர்.

Rating : 3.5 / 5