இந்தியாவின் முதல் பான் இந்தியா ரியாலிட்டி ஷோ ‘பிக் பிட்ச்சர்’ அறிமுகம் !

இந்தியாவின் முதல் பான் இந்தியா ரியாலிட்டி ஷோ ‘பிக் பிட்ச்சர்’ அறிமுகம் — சினிமா அதிகாரம் இனி மக்களின் கைகளில்

நீங்களே விமர்சகர், நீங்களே படைப்பாளி! திரையுலகில் புதிய புரட்சி

 இந்திய பொழுதுபோக்குத் துறையின் போக்கையே மாற்றியமைக்கும் ஒரு முயற்சியாக, கேமென் ஸ்போர்ட்ஸ் அண்ட் என்டர்டெயின்மென்ட் பிரைவேட் லிமிடெட் (Gammen Sports and Entertainment Pvt. Ltd.) ‘பிக் பிட்ச்சர்’ (‘Big Pitchure’) என்ற புரட்சிகரமான ரியாலிட்டி ஷோவை அறிமுகப்படுத்தியுள்ளது. திரைப்பட உருவாக்கத்தின் கடிவாளத்தை நேரடியாக ரசிகர்களிடமே ஒப்படைக்கும் இந்த நிகழ்ச்சி, விரைவில் ஜியோஹாட்ஸ்டார் (JioHotstar) ஓடிடி தளத்தில் ஐந்து மொழிகளில் ஒளிபரப்பாகவுள்ளது. "இவ்வளவு காலம் படங்களை விமர்சனம் செய்தீர்கள், இப்போது ஒரு படத்தை உருவாக்கிப் பாருங்கள்" என்ற சவாலை இந்த நிகழ்ச்சி முன்வைக்கிறது.

ஒரு நிமிட மதிப்பீடுகள் மற்றும் சமூக வலைதள விமர்சகர்கள் அதிகரித்துவரும் இந்த காலகட்டத்தில், ‘பிக் பிட்ச்சர்’ 15 வாரங்களுக்கான ஒரு பயணத்தை வழங்குகிறது. இதில் பார்வையாளர்கள் தாமே எழுத்தாளர்கள், இயக்குநர்கள், நடிகர்கள் மற்றும் முக்கிய முடிவெடுப்பாளர்களாக மாறுகின்றனர். பார்வையாளர்களின் கருத்து மற்றும் திரைப்பட உருவாக்கத்தின் கடினமான உண்மை ஆகியவற்றுக்கு இடையிலான இடைவெளியை நிரப்புவதே இந்த நிகழ்ச்சியின் நோக்கமாகும். இறுதியில், “மக்களால் உருவாக்கப்பட்ட, மக்களுக்கான” ஒரு திரைப்படம் நாடு முழுவதும் திரையரங்குகளில் வெளியிடப்படும்.

இந்த நிகழ்ச்சியின் வடிவம் வெளிப்படைத்தன்மையையும் விறுவிறுப்பையும் உறுதி செய்யும் இரண்டு முக்கிய அம்சங்களை அடிப்படையாகக் கொண்டுள்ளது:

• ஸ்டார்போர்டு (The Starboard): ஒவ்வொரு எபிசோடிலும் காட்டப்படும் ஒரு பிரம்மாண்டமான டிஜிட்டல் மையத்தில் இந்தியாவின் மூலை முடுக்கெங்கும் இருந்து வரும் ஆயிரக்கணக்கான கதைகள், ஆடிஷன்கள் மற்றும் இசைக்கோர்ப்புகள் சேகரிக்கப்படும்.

• மதர்போர்டு (The Motherboard): பார்வையாளர்கள் மற்றும் புகழ்பெற்ற வழிகாட்டிகள் இணைந்து “சிறந்தவற்றில் சிறந்தவை” தேர்ந்தெடுக்கப்படும் மையம். வாரங்கள் முன்னேறியபோது, இந்த மதர்போர்டு படத்தின் உயிருள்ள வரைபடமாக மாறி, இறுதி நடிகர்கள், தொழில்நுட்பக் குழு மற்றும் கதை ஆகியவற்றை படிப்படியாக வெளிப்படுத்தும்.

கேமென் ஸ்போர்ட்ஸ் அண்ட் என்டர்டெயின்மென்ட் பிரைவேட் லிமிடெட்-ன் நிறுவனர் மற்றும் இந்த நிகழ்ச்சியின் தயாரிப்பாளருமான திரு. RAV கூறுகையில், “பல ஆண்டுகளாக செய்த உழைப்பு, பல சமயங்களில் வெறும் சில மதிப்பீட்டு நட்சத்திரங்களாக மட்டுமே குறைக்கப்படுகிறது. ‘பிக் பிட்ச்சர்’ மூலம் அந்த நிலையை மாற்றுகிறோம். பார்வையாளர்கள் கேமராவின் கனத்தையும், திரைக்கதையின் அழுத்தத்தையும் ரசிகர்கள் உணர வேண்டும் என நாங்கள் விரும்புகிறோம். இது வெறும் ஒரு நிகழ்ச்சி மட்டுமல்ல; திரைக் கலையின் மீதான மரியாதையை வளர்க்கும் அதே வேளையில், இந்தியாவின் மறைந்திருக்கும் படைப்பாற்றல் மிக்க ரத்தினங்களைக் கண்டறியும் ஒரு இயக்கம். 'மதர்போர்டு' இறுதியில் எதை உருவாக்கப்போகிறது என்பதைப் பார்க்க நாங்கள் ஆர்வமாக உள்ளோம்", என்றார்.

ஒவ்வொரு ஞாயிற்றுக்கிழமையும் 60 நிமிட எபிசோடுகளாக 15 வாரங்கள் நீளும் இந்த நிகழ்ச்சி, ஒவ்வொரு வாரமும் தனித்துவமான கட்டங்களாக விரிகிறது. இறுதி எபிசோடில் வெற்றியாளர்கள் அறிவிக்கப்பட்ட பின், அவர்கள் அனைவரும் ஒன்றிணைந்து பான்-இந்தியா பார்வையாளர்களுக்கான முழுநீள திரைப்படத்தை உருவாக்குவார்கள்.

‘பிக் பிட்ச்சர்’ நிகழ்ச்சியை தமிழில் பரத், மலையாளத்தில் இந்திரஜித் சுகுமாரன், தெலுங்கில் நவ்தீப், கன்னடத்தில் வசிஷ்டா என். சிம்ஹா, இந்தியில் விஜய் ராஸ் ஆகியோர் தொகுத்து வழங்குகின்றனர். மேலும், இது ஜியோஹாட்ஸ்டாரில் ஐந்து மொழிகளில் ஒளிபரப்பாகும், இதன் மூலம் அகில இந்திய அளவில் அனைவரும் பங்கேற்க வழிவகை செய்யப்படும்.

தமிழ் பதிப்பின் தொகுப்பாளரான நடிகர் பரத் கூறியதாவது, “தமிழ் சினிமா எப்போதும் சினிமாவையே மூச்சாகக் கொண்ட ரசிகர்களால் இயக்கப்படுகிறது. இப்போது முதல் முறையாக, அந்த ரசிகர்கள் பார்வையாளர்களாக மட்டுமல்லாமல், இயக்குநர் இருக்கையில் அமருகின்றனர். இந்த பயணத்தின் தமிழ் கட்டத்தை முன்னெடுக்கிறதில் நான் மகிழ்ச்சியடைகிறேன். விமர்சகர்களிலிருந்து படைப்பாளர்களாக மாறும் நம் உள்ளூர் திறமைகளை காண இது ஒரு அபூர்வ வாய்ப்பு. ஒரு திரைப்படத்தை உருவாக்குவது, திரைப்படத்திற்குச் சமமான சுவாரஸ்யம் கொண்டது என்பதை நாடு முழுவதும் காட்ட வேண்டிய நேரம் இது”, என்றார்.

ஆர்வமுள்ள எழுத்தாளர்கள், நடிகர்கள், தொழில்நுட்ப நிபுணர்கள் மற்றும் இசைக்கலைஞர்கள் தங்கள் பதிவு மற்றும் விண்ணப்பங்களை அதிகாரப்பூர்வ இணையதளம் http://www.bigpitchure.in மூலம் அல்லது Big Pitchure மொபைல் செயலியைப் பதிவிறக்கம் செய்து சமர்ப்பிக்கலாம்.