அப்போலோ புரோட்டான் கேன்சர் சென்டர் இந்தியாவின் அடுத்தகட்ட புற்றுநோய் மீட்சிப் பிரிவை மேம்படுத்துகிறது !

அப்போலோ புரோட்டான் கேன்சர் சென்டர் இந்தியாவின் அடுத்தகட்ட புற்றுநோய் மீட்சிப் பிரிவை மேம்படுத்துகிறது - விரிவான குரல், சுவாசப்பாதை மற்றும் விழுங்குதல் சிகிச்சை மையத்தை (C-VASC) தொடங்குகிறது. ! 

சிகிச்சையிலிருந்து மீளுதல் வரை: புற்றுநோயிலிருந்து மீண்டவர்கள் தங்களின் குரல், தன்னம்பிக்கை மற்றும் வாழ்க்கைத் தரத்தை மீண்டும் பெற உதவுதல்.  

உலகளாவிய வாய்வழி புற்றுநோய் பாதிப்புகளில் 30% இந்தியாவைக் கொண்டுள்ள சுமையைக் குறைக்கும் நோக்கில், ஏபிசிசி இந்த விரிவான குரல், சுவாசப்பாதை மற்றும் விழுங்குதல் சிகிச்சை மையத்தை (C-VASC) தொடங்குகிறது.

பாடகர்கள், டப்பிங் கலைஞர்கள், பொதுமேடைப் பேச்சாளர்கள், ஆர்ஜே/விஜேக்கள் (RJ/VJs) மற்றும் சட்ட வல்லுநர்கள் போன்றோரின் தொழில்முறை குரல் பராமரிப்பிற்காக பிரத்யேகமாக அர்ப்பணிக்கப்பட்ட சிறப்புப் பிரிவு.

சென்னை: 02 ஜூன், 2026: அப்போலோ புரோட்டான் கேன்சர் சென்டர் (Apollo Proton Cancer Centre), குரல் மற்றும் கழுத்து புற்றுநோய்களுக்கான சிகிச்சைக்குப் பிந்தைய மறுவாழ்வுத் திட்டமான விரிவான குரல், சுவாசப்பாதை மற்றும் விழுங்குதல் சிகிச்சை மையம் ‘Comprehensive Voice, Airway, and Swallow Clinic (C-VASC)’ என்ற புதிய மையத்தின் தொடக்கம் குறித்த அறிவிப்பை இன்று வெளியிட்டுள்ளது. இந்த முன்முயற்சி, தலை மற்றும் கழுத்து புற்றுநோய் சிகிச்சைக்குப் பிறகு பேசுவதிலும், விழுங்குவதிலும் அல்லது சுவாசிப்பதிலும் சிரமத்தை எதிர்கொள்ளும் நபர்களுக்குத் தேவையான பிந்தைய பராமரிப்பு ஆதரவை வழங்குகிறது. இம்மையம் நோயாளிகளின் குணமடைதல், மறுவாழ்வு, அவர்களின் தன்னம்பிக்கை, ஒட்டுமொத்த வாழ்க்கைத் தரத்தை மேம்படுத்துதல் ஆகியவற்றில் கவனம் செலுத்துகிறது.

ஜூன் 7 அன்று உலகளாவிய சுகாதார சமூகம் 'தேசிய புற்றுநோயிலிருந்து மீண்டோர் தினத்தை' அனுசரிக்கத் தயாராகி வரும் வேளையில் இந்தத் தொடக்கம் அமைந்துள்ளது. இது புற்றுநோயிலிருந்து மீண்டவர்களுக்கான பராமரிப்பின் முக்கியத்துவத்தையும், நோயாளிகளுக்கு சிகிச்சையையும் தாண்டி, அவர்கள் நீண்டகால ஆரோக்கியம் பெற ஆதரவளிக்க வேண்டியதன் அவசியத்தையும் அடிக்கோடிட்டுக் காட்டுகிறது.  

இந்தியாவில் 14 இலட்சம் புதிய புற்றுநோய் பாதிப்புகள் பதிவாகின்றன, இதில் பெரும்பாலான வழக்குகள் புகையிலை, புகைபிடித்தல், புகையிலை மெல்லுதல் போன்ற பழக்கங்களுடன் தொடர்புடையவை. குறிப்பாக கழுத்து மற்றும் தலை புற்றுநோய்களே இதில் அதிகம். தலை மற்றும் கழுத்து புற்றுநோயிலிருந்து மீண்டு பிழைத்தவர்கள் பலருக்கு மெல்லுதல், பேசுதல், சுவாசித்தல் ஆகியவற்றில் சிரமங்களை எதிர்கொள்கின்றனர், மேலும் இதற்கான பிந்தைய பராமரிப்பு சிகிச்சை தகவல்களும் வசதிகளும் இன்னமும் பற்றாக்குறையாகவே உள்ளன. இந்தியாவில் குரல் தொடர்பான குறைபாடுகள் பெரும்பாலும் அலட்சியம் செய்யப்படுகின்றன, ஆனால் அவை உளவியல் ரீதியான பாதிப்பை ஏற்படுத்தி, தனிமனிதரை சமூகத்திலிருந்து தனிமைப்படுத்த வழிவகுக்கும் என்பதே உண்மை. காது, மூக்கு, தொண்டை நிபுணர்கள், புற்றுநோய் நிபுணர்கள், பேச்சுப் பயிற்சியாளர்கள், விழுங்குதல் குறைபாட்டு வல்லுநர்கள், உணவுமுறை நிபுணர்கள், நுரையீரல் மறுவாழ்வு நிபுணர்கள் ஆகியோரை ஒரே கூரையின் கீழ் கொண்டு வரும் ஒருங்கிணைந்த மறுவாழ்வு மையங்கள் மிகக் குறைவாகவே உள்ளன.

அப்போலோ புரோட்டான் கேன்சர் சென்டர் திட்டம், புற்றுநோய்க்குப் பிந்தைய மறுவாழ்வின் வளர்ந்து வரும் முக்கியத்துவத்தை மிகவும் வலியுறுத்துகிறது. புரோட்டான் கேர் அமைப்பு, புற்றுநோய் சிகிச்சையுடன் செயல்பாட்டு மறுவாழ்விலும் கவனம் செலுத்தி, விரிவான மற்றும் நோயாளி-மையக் கவனிப்பை வழங்க பல்துறை நிபுணர்களை ஒரே கூரையின் கீழ் ஒருங்கிணைக்கிறது. புகையிலை மற்றும் புகையில்லாத புகையிலை பொருட்கள் நாடு முழுவதும் வாய் மற்றும் தொண்டை புற்றுநோய் பாதிப்புகள் அதிகரிப்பதற்குத் தொடர்ந்து பங்களித்து வருகின்றன. இந்த ஆராய்ச்சி மற்றும் ஆய்வறிக்கை, இத்தகைய பாதிப்புகளை மிகுந்த எச்சரிக்கையுடன் கையாள வேண்டியதன் அவசியத்தை அடிக்கோடிட்டுக் காட்டுகிறது, இது நோயாளிகளின் உயிர்வாழும் விகிதத்தை அதிகரிக்க வழிவகுக்கும்.

புரோட்டான் கேர் விரிவான குரல், சுவாசப்பாதை மற்றும் விழுங்குதல் சிகிச்சை மையத்தின் (சி-விஏஎஸ்சி) மூலம் புற்றுநோய் சிகிச்சைக்கான தனது மறுவாழ்வு சார்ந்த உத்தியை மேலும் மேம்படுத்துகிறது. இந்த முன்முயற்சியானது, அதிநவீன சிகிச்சை தொழில்நுட்பங்களை அர்ப்பணிப்புடன் கூடிய மறுவாழ்வு ஆதரவோடு இணைப்பதன் மூலம், நோயாளிகள் தங்களின் முக்கிய உடல் செயல்பாடுகளை மீட்டெடுக்கவும், புற்றுநோய் சிகிச்சைக்குப் பிந்தைய அவர்களின் வாழ்க்கைத் தரத்தை மேம்படுத்தவும் உதவுவதை நோக்கமாகக் கொண்டுள்ளது.

பல்வகை நிபுணத்துவம் மற்றும் சிறப்புப் பராமரிப்பு: சி-விஏஎஸ்சி மையம் 360-டிகிரி மீட்புக்கான ஒரு சிறந்த சூழலை வழங்க, வலிமையான பல்துறை நிபுணர்கள் குழுவை ஒன்றிணைக்கிறது: 

தலை மற்றும் கழுத்து அறுவை சிகிச்சை புற்றுநோயியல்: செயல்பாட்டுத் திறன்களை தீவிரமாகப் பாதுகாப்பதோடு, துல்லியமாகப் புற்றுநோய் கட்டிகளை அகற்றுவதில் கவனம் செலுத்துகிறது.

பேச்சு மற்றும் விழுங்குதல் குறைபாட்டியல்: மனிதத் தொடர்பு மற்றும் ஊட்டச்சத்தின் சிக்கலான இயக்கவியலை மீண்டும் மீட்டெடுப்பதற்காக அர்ப்பணிக்கப்பட்ட வல்லுநர்கள்.

சுவாசப்பாதை மற்றும் நுரையீரல் நிபுணர்கள்: புற்றுநோயிலிருந்து மீண்டவர்கள் எவ்வித அச்சமுமின்றி சுவாசிப்பதையும், நீண்டகால சுவாசப்பாதை பாதிப்புகளைத் தவிர்ப்பதையும் உறுதி செய்யும் பிரத்யேகப் பிரிவு.

மேம்பட்ட செயல்பாட்டு கண்டறிதல்கள்: தசைச் செயலிழப்புகளை உடனுக்குடன் கண்காணித்து சிகிச்சை அளிக்க, லாரிஞ்சியல் ஸ்ட்ரோபோஸ்கோபி (Laryngeal Stroboscopy) மற்றும் ஃபீஸ் (FEES) போன்ற அதிநவீனப் பரிசோதனைகளைப் பயன்படுத்துதல்.

புற்றுநோயிலிருந்து மீண்ட பலருக்குத் தொடர்ந்து இருக்கும் குரல் கரகரப்பு அல்லது விழுங்குவதில் ஏற்படும் சிக்கல்கள் காரணமாகச் சமூகத் தனிமை, பேச்சு இழப்பு, சாப்பிடுவதில் சிரமம் போன்ற சவால்கள் ஏற்படுகின்றன. இந்தச் சிக்கல்கள் தீவிரமடையும் வரை பெரும்பாலும் அலட்சியம் செய்யப்படுகின்றன. சி-விஏஎஸ்சி மையம், லாரிஞ்சியல் ஸ்ட்ரோபோஸ்கோபி, லேசர் மற்றும் மைக்ரோஃபிளாப் அறுவை சிகிச்சை மற்றும் டிரக்கியோஈசோஃபேஜியல் குரல் மீட்பு உள்ளிட்ட நவீனக் கண்டறிதல் மற்றும் குறைந்த அளவே ஊடுருவும் சிகிச்சை முறைகளை ஒருங்கிணைப்பதன் மூலம் இந்த நெருக்கடிக்குத் தீர்வு காண்கிறது. இந்த முயற்சிகள், ஒரு நோயாளியின் தொடர்புகொள்ளும் மற்றும் உணவருந்தும் அடிப்படைத் திறனை மீட்டெடுப்பதை நோக்கமாகக் கொண்டுள்ளன.

புற்றுநோய் கண்டறியப்படும் நேரத்திலேயே இந்த ஆதரவைத் தொடங்குவதன் மூலம், இம்மையம் மீட்புக்கான பராமரிப்பு மிகவும் ஒருங்கிணைந்ததாகவும், நோயாளி-மையக் கவனிப்பாகவும், அத்துடன் நீண்டகால உயிர்வாழும் விகிதத்தை மேம்படுத்துவதில் பயனுள்ளதாகவும் இருப்பதை உறுதி செய்கிறது. சி-விஏஎஸ்சி மையம் புற்றுநோய் பராமரிப்பையும் தாண்டி, தொழில்முறை குரல் பராமரிப்புக்கான ஒரு சிறப்பு இடமாகச் செயல்படுகிறது. புற்றுநோய் மீட்பில் பயன்படுத்தப்படும் அதே மேம்பட்ட குரல்வளைக் கண்டறிதல் மற்றும் சிகிச்சை முறைகளைப் பயன்படுத்துவதன் மூலம், அப்போலோ நிறுவனம் குரல் ஆரோக்கியத்தைப் பேணவும், தொழில்முறை அடையாளங்களைப் பாதுகாக்கவும் தென்னிந்தியாவில் ஒரு பிரத்யேகச் சூழலை உருவாக்கியுள்ளது. 

இந்தத் தொடக்கம் குறித்துப் பேசிய அப்போலோ புரோட்டான் கேன்சர் சென்டரின் கதிர்வீச்சு புற்றுநோயியல் துறையின் மார்பக, தலை மற்றும் கழுத்துப் பிரிவு இயக்குநர் டாக்டர் சப்னா நங்கியா அவர்கள் இவ்வாறு கூறினார், "சி-விஏஎஸ்சி மையத்தின் மூலம், அப்போலோ புரோட்டான் கேன்சர் கேர் அமைப்பு, மறுவாழ்வை மையமாகக் கொண்ட புற்றுநோய் மருத்துவக் கண்டுபிடிப்புகளில் இந்த நகரத்தின் வளர்ந்து வரும் பங்கை மேலும் வலுப்படுத்துகிறது. புற்றுநோயிலிருந்து மீள்வது என்பது வெறும் உயிர் பிழைப்பதுடன் முடிந்துவிடுவதில்லை; பல நோயாளிகளுக்குப் பேசும், விழுங்கும் அல்லது தொடர்புகொள்ளும் திறனை இழப்பது அவர்களின் தன்னம்பிக்கை, உறவுகள், மனநலம், ஒட்டுமொத்த வாழ்க்கைத் தரம் ஆகியவற்றைப் பெரிதும் பாதிக்கலாம். இந்த முன்முயற்சியின் மூலம், புற்றுநோய் சிகிச்சையுடன் சேர்த்து செயல்பாட்டு மீட்பிற்கும் முக்கியத்துவம் அளிக்கும் ஒரு மறுவாழ்வு சார்ந்த மாதிரியை நாங்கள் அறிமுகப்படுத்துகிறோம். இது நோயாளிகள் தங்களின் சுயசார்பை மீட்டெடுக்கவும், கண்ணியத்துடன் சாதாரண வாழ்க்கைக்குத் திரும்பவும் உதவுகிறது."

அப்போலோ புரோட்டான் கேன்சர் சென்டரின் தலை மற்றும் கழுத்து அறுவைசிகிச்சை புற்றுநோயியல் பிரிவின் மூத்த ஆலோசகர் டாக்டர் நவீன் ஹெத்னே அவர்கள் மேலும் கூறியதாவது, "சி-விஏஎஸ்சி மையத்தின் மூலம், இந்தியாவின் மிக விரிவான குரல் மற்றும் விழுங்குதல் மறுவாழ்வு அமைப்புகளில் ஒன்றை உருவாக்குவதற்காகத் தொழில்நுட்பம், நிபுணத்துவம், கூட்டு உழைப்பு ஆகியவற்றை நாங்கள் ஒன்றிணைக்கிறோம். வரும் தசாப்தத்தில் இந்தியாவின் புற்றுநோய் பாதிப்பு கணிசமாக அதிகரிக்கும் என்று எதிர்பார்க்கப்படும் வேளையில், அப்போலோ புரோட்டான் கேன்சர் சென்டரின் இந்த சமீபத்திய முன்முயற்சி சுகாதாரத் துறையில் ஒரு முக்கியமான மாற்றத்தைக் குறிக்கிறது. இங்கு மருத்துவ வெற்றியானது நோயை வெல்வதுடன் மட்டும் நின்றுவிடாமல், மீண்டும் முழுமையான வாழ்க்கையை வாழும் திறனை மீட்டெடுப்பதையும் உள்ளடக்கியது ஆகும்."

தரமணி அப்போலோ புரோட்டான் கேன்சர் சென்டர் மற்றும் தேனாம்பேட்டை அப்போலோ ஸ்பெஷாலிட்டி ஹாஸ்பிடல்ஸ் ஆகியவற்றின் தலைமை நிர்வாக அதிகாரி திரு. கரண் பூரி அவர்கள் இவ்வாறு தெரிவித்தார், “மக்களுக்குப் புற்றுநோய் பற்றிய விழிப்புணர்வு உள்ளது, ஆனால் ஒருவருக்குப் புற்றுநோய் பாதிப்பு ஏற்பட்ட பிறகு என்ன நடக்கிறது என்பதுதான் மிகவும் முக்கியமானது. விழிப்புணர்வு என்பது வெறும் உயிர்களைக் காப்பாற்றுவது மட்டுமல்ல, புற்றுநோய் சிகிச்சைக்குப் பிறகு ஒரு நபர் எவ்வாறு வாழ்கிறார் என்பதைப் பொறுத்தது என்றும் நாங்கள் நம்புகிறோம். இந்த குரல் சிகிச்சை மையம், ஒரு ஒருங்கிணைந்த அணுகுமுறை மற்றும் புற்றுநோயிலிருந்து மீண்டவர்களின் மேம்பட்ட வாழ்க்கைத் தரத்தின் மூலம் நோயாளிகளின் முக்கியமான குணமடைதலை நோக்கிய ஒரு முக்கியப் படியாகும். சிகிச்சைக்குப் பிந்தைய பராமரிப்பின் தேவையானது, இந்த குரல் சிகிச்சை மையங்களின் வளர்ந்து வரும் முக்கியத்துவத்தை வலியுறுத்துகிறது.”  

புற்றுநோய் பராமரிப்பில் செயல்பாட்டுத் திறன்களைப் பாதுகாப்பதற்கான அப்போலோ புரோட்டான் கேன்சர் சென்டரின் அர்ப்பணிப்பின் ஒரு பகுதியாக, சி-விஏஎஸ்சி மையமானது குரல்வளை மற்றும் தொண்டை புற்றுநோய்களுக்கான மேம்பட்ட புரோட்டான் சிகிச்சை சார்ந்த மற்றும் ஒரே நேரத்திலான கீமோரேடியேஷன் சிகிச்சை அணுகுமுறைகளை உள்ளடக்கியுள்ளது. சுற்றியுள்ள ஆரோக்கியமான திசுக்களுக்கு ஏற்படும் சேதத்தைக் குறைத்து, அதே நேரத்தில் புற்றுநோய் கட்டியைக் கட்டுப்படுத்துவதை அதிகப்படுத்தும் வகையில் வடிவமைக்கப்பட்டுள்ள இந்த உறுப்புப் பாதுகாப்பு உத்திகள், பேச்சு, விழுங்குதல் மற்றும் சுவாசப் செயல்பாடுகளைப் பாதுகாக்க உதவுகின்றன. இது நோயாளிகள் மிகுந்த தன்னம்பிக்கையுடனும், சிறந்த வாழ்க்கைத் தரத்துடனும் தங்களின் அன்றாட வாழ்க்கைக்குத் திரும்ப வழிவகுக்கிறது.

தமிழ்நாட்டில் புற்றுநோய் பாதிப்புகள் சீராக அதிகரித்து வரும் வேளையில், தென்னிந்தியாவில் மேம்பட்ட புற்றுநோயியல் பராமரிப்புக்கான ஒரு முதன்மையான இடமாகச் சென்னை தொடர்ந்து உருவெடுத்து வருகிறது..