டாக்ஸிக் திரை விமர்சனம் !

யாஷ் நடிப்பில் கீது மோகன்தாஸ் இயக்கியுள்ள ‘டாக்ஸிக்’ திரைப்படம் 1947 முதல் 1970 வரையிலான காலகட்டத்தில் நடக்கும் மாஃபியா கதையாக உருவாகியுள்ளது.

கோவாவில் தனது சகோதரி நயன்தாராவுடன் இணைந்து எதிரிகளை வீழ்த்தும் யாஷ், சகோதரியின் மரணத்துக்குப் பிறகு சீனா சென்று தனது சாம்ராஜ்யத்தை விரிவுபடுத்துகிறார். பின்னர் மீண்டும் கோவா திரும்பும் அவர், தனது மகன் மற்றும் சாம்ராஜ்யத்திற்கு ஏற்படும் ஆபத்தை எதிர்கொள்கிறார். இதிலிருந்து அவர் எப்படி மீள்கிறார் என்பதே படத்தின் கதை.

யாஷ் முரட்டுத்தனமான கதாபாத்திரத்தில் சிறப்பாக நடித்துள்ளார். அதிரடி சண்டைக்காட்சிகள், பிரமாண்டமான அரங்குகள் மற்றும் கிராபிக்ஸ் காட்சிகள் படத்திற்கு பலம் சேர்க்கின்றன. ராஜீவ் ரவியின் ஒளிப்பதிவும் படத்தின் காலகட்டத்தை அழகாக பதிவு செய்துள்ளது. பின்னணி இசையும் சண்டைக்காட்சிகளுக்கு வலு சேர்க்கிறது.

நயன்தாரா, கியாரா அத்வானி, ருக்மணி வசந்த், தாரா சுதாரியா, ஹுமா குரேஷி ஆகியோர் தங்களது கதாபாத்திரங்களுக்கு ஏற்ற நடிப்பை வழங்கியுள்ளனர்.

ஆனால், படத்தில் அதிக அளவில் இடம்பெறும் வன்முறை காட்சிகள் மற்றும் தேவையற்ற காட்சிகள் சலிப்பை ஏற்படுத்துகின்றன. பல கிளைக்கதைகள் மற்றும் கதாபாத்திரங்கள் இருப்பதால் திரைக்கதையில் குழப்பம் ஏற்படுகிறது. கதையைவிட பிரமாண்டத்திற்கும், ஆக்‌ஷன் காட்சிகளுக்கும் அதிக முக்கியத்துவம் கொடுக்கப்பட்டிருப்பது படத்தின் முக்கிய குறையாக உள்ளது.

மொத்தத்தில், பிரமாண்டமான காட்சிகளும், அதிரடி சண்டைக்காட்சிகளும் இருந்தாலும், வலுவான கதை மற்றும் சுவாரஸ்யமான திரைக்கதை இல்லாததால் ‘டாக்ஸிக்’ எதிர்பார்த்த அளவுக்கு கவரவில்லை.

Rating : 2.5 / 5